Beidh ár soláthraithe riachtanach chun MetroLink a sholáthar go rathúil, agus táimid tiomanta do chaidrimh láidre chomhoibríocha a fhorbairt ón tús. Táimid bródúil as an dul chun cinn atá déanta go dtí seo agus táimid ag iarraidh anois ar phríomh-chomhpháirtithe féideartha an tslabhra soláthair a bheith linn ar an aistear claochlaitheach seo.
Soláthrófar formhór na n-earraí agus na seirbhísí trí sholáthraithe Leibhéal 1. Beidh ról lárnach ag na príomhchonraitheoirí sin maidir leis an gclár a chur i gcrích agus, dá réir sin, rachaidh siad i mbun a slabhraí soláthair féin chun gnéithe éagsúla den obair a chomhlíonadh.
Leis an gcur chuige sin, ginfear raon leathan deiseanna fochonraitheoireachta, rud
a chruthóidh spás do ghnólachtaí de gach méid rannchuidiú leis.
Oibreoimid i gcomhar lenár soláthraithe Leibhéal 1 chun deiseanna sa slabhra soláthair a chur ar fáil go gníomhach do FBManna agus do ghnólachtaí áitiúla. Féach ár leathanach Ag obair le FBManna chun tuilleadh eolais a fháil.
Táimid ag seoladh sraith imeachtaí Rannpháirtíochta Margaidh chun nascadh le soláthraithe domhanda.
Beidh an chéad imeacht ar siúl i mBaile Átha Cliath agus ina dhiaidh sin beidh tuilleadh imeachtaí i Londain, agus ar fud na hEorpa agus níos faide i gcéin.
Tabharfaidh na himeachtaí sin deis d’fhoireann MetroLink faisnéis a roinnt faoin gclár MetroLink, breac-chuntas a thabhairt ar dheiseanna soláthair atá le teacht, agus tús a chur le caidrimh láidre, chomhoibritheacha a fhorbairt leis an margadh.
Tá MetroLink ag cur tús le Rannpháirtíocht an Mhargaidh Dhomhanda mar a fógraíodh sa PIN Domhanda an 7 Iúil 2025. Beidh na chéad seisiúin faisnéise ar siúl in R3 2025.
Tabhair do d’aire go bhféadfadh athrú teacht ar dhátaí agus go bhféadfadh formáidí faisnéise déthaobhacha nó grúpa a bheith i gceist leo.
Baile Átha Cliath: 4 Meán Fómhair 2025 - Clárú dúnta anois
Londain: 8 Meán Fómhair 2025 - Clárú dúnta anois
Páras: 10 - 12 Meán Fómhair 2025
Milano: 15 - 16 Meán Fómhair 2025
Beirlín: 18 - 19 Meán Fómhair 2025
Vín: 22 - 23 Meán Fómhair 2025
Maidrid: 24 - 26 Meán Fómhair 2025
Iostanbúl: 22 - 23 Deireadh Fómhair 2025
Más mian leat a bheith i láthair, seol ríomhphost chuig (supplychainmetrolink@tii.ie) ag lua ‘Ticéid Rannpháirtíochta Margaidh’ i líne an ábhair agus cuir an t-eolas seo a leanas san áireamh:
Ainm iomlán
Seoladh ríomhphoist don nasc chuig an ticéad don imeacht agus cumarsáid bhreise faoin imeacht
Eagraíocht
Ceann scríbe an imeachta (i.e. Páras) agus líon na dticéad is gá le haghaidh ionadaithe d’eagraíochta.
Tabhair breac-chuntas gairid ar riachtanas/cuspóir gnó d’eagraíochta maidir le freastal ar an imeacht seo.
Chun nuacht agus nuashonruithe maidir le Rannpháirtíocht an Mhargaidh a fháil, cliceáil anseo le do thoil chun do chuid sonraí a chlárú.
Le haghaidh ceisteanna ginearálta maidir leis an Slabhra Soláthair agus Rannpháirtíocht an Mhargaidh, déan teagmháil le: supplychainmetrolink@tii.ie
