Ciallaíonn scála MetroLink agus a thábhacht do gheilleagar na hÉireann go bhfuilimid tiomanta do chur chuige cuimsitheach agus comhoibríoch a ghlacadh maidir le rannpháirtíocht sa slabhra soláthair. Ciallaíonn sé sin oibriú le comhpháirtithe agus páirtithe leasmhara de gach méid, tacú go gníomhach le FBManna, agus soláthróirí de gach méid a shainaithint go réamhghníomhach chun páirt a ghlacadh sa chlár.
Is é ár gcuspóir a chinntiú go mbeidh ról lárnach ag gnólachtaí ar fud na hÉireann agus ar fud an domhain i soláthar MetroLink, gan beann ar mhéid ná ar earnáil, agus go gcuirfidh siad go fóinteach lena rath.
Beidh raon feidhme na hoibre a theastaíonn chun MetroLink a sholáthar an-éagsúil, rud atá ina léiriú ar scála agus castacht an chláir.
Tá MetroLink tiomanta do chomhpháirtíochtaí láidre a chothú idir FBManna, gnólachtaí áitiúla, agus ár soláthróirí Leibhéal 1 trí rochtain dhíreach ar dheiseanna conarthacha agus ar phíblínte éilimh amach anseo a chumasú go gníomhach. Áireofar leis sin laethanta ‘Buail leis an gCeannaitheoir’, agus tá sé ar intinn againn córas bróicéireachta leictreonach a úsáid.
Foilseoimid tuilleadh faisnéise faoin gcaoi ar féidir le FBManna a bheith rannpháirteach sna míonna amach romhainn. Más mian leat tú féin a choinneáil ar an eolas, cláraigh do spéis i nuacht agus nuashonruithe.
Tá MetroLink freagrach go príomha as seachadadh an chláir agus déanann sé maoirseacht air, ach is iad ár gconraitheoirí a sheachadfaidh oibreacha ar an talamh.
Dá réir sin, is dóichí go dtiocfaidh deiseanna chun cinn do ghnólachtaí áitiúla a bheith rannpháirteach trínár gcomhpháirtithe foirgníochta Leibhéal 1 nó Leibhéal 2.
Chun cabhrú leat tuiscint a fháil ar an áit a bhféadfadh do ghnó a bheith laistigh den tsamhail seachadta níos leithne, léiríonn an léaráid thíos struchtúr ár slabhra soláthair agus na leibhéil éagsúla rannpháirtíochta.
Chun tuilleadh eolais a fháil faoi chlár MetroLink agus faoin amlíne seachadta a ghabhann leis, cliceáil anseo chun féachaint ar “Treoir an tSoláthróra” dár gcuid.
Soláthraíonn an doiciméad seo treoir phraiticiúil do ghnólachtaí, gan beann ar a ról nó a scála laistigh den slabhra soláthair, maidir le conas iad féin a ullmhú agus seasamh chun leas a bhaint as deiseanna atá ar na bacáin.
Leagtar amach sa treoir freisin spriocanna straitéiseacha agus cuspóirí soláthair MetroLink agus tugtar isteach pacáistí oibre foirgníochta Leibhéal 1.
Táimid ag cur tús le himeachtaí Rannpháirtíochta Margaidh, lena n-áireofar imeachtaí i mBaile Átha Cliath agus ar fud na hEorpa. Chun tuilleadh eolais a fháil cliceáil anseo.
