Tá níos mó i gceist le MetroLink ná tionscadal iompair, is bunchloch é de straitéis na hÉireann chun aghaidh a thabhairt ar an athrú aeráide agus tairbhí fadtéarmacha a sholáthar do Bhaile Átha Cliath agus don réigiún máguaird.
Sainmhínímid an inbhuanaitheacht mar dhifríocht dhearfach a dhéanamh trí réitigh atá inbhuanaithe ó thaobh an Gheilleagair, na Sochaí agus an Chomhshaoil de a sholáthar.
A mhéid a bhaineann leis an Luach Sóisialta, is éard atá i gceist leis sin difríocht dhearfach a dhéanamh do dhaoine aonair, do phobail, do pháirtithe leasmhara agus don tsochaí i gcoitinne trí thorthaí agus tairbhí cothroma sóisialta, comhshaoil agus eacnamaíocha a bhaint amach. Cé go gcruthóidh MetroLink Luach Sóisialta go horgánach trí shoghluaisteacht fheabhsaithe, ceanglófar ar sholáthróirí Luach Sóisialta a leabú ina dtáirgí insoláthartha tionscadail chun an deis le haghaidh tionchar dearfach a uasmhéadú.
Tacóidh scórchárta ualaithe MetroLink leis an bpróiseas sin trí na réimsí is tábhachtaí dúinn agus na príomhchritéir a úsáidfimid chun meastóireacht a dhéanamh ar thairiscintí, agus ar fheidhmíocht na soláthróirí, a shainaithint go soiléir. Chun an scórchárta ualaithe a fheiceáil, cliceáil anseo.
Tá MetroLink tiomanta do cheithre phríomhréimse de Luach Sóisialta: oideachas, scileanna agus fostaíocht a chur chun cinn; cuimsiú eacnamaíoch a leabú; cleachtais chuimsitheacha agus dearadh cuimsitheach; agus infheistíocht a dhéanamh i bpobail.
• Cuirfidh MetroLink córas iompair leictrithe atá neodrach ó thaobh carbóin de ar fáil a thacóidh le spriocanna aeráide na hÉireann. Trí thurais ghluaisteáin a laghdú, laghdóidh sé astaíochtaí, maolóidh sé brú tráchta, agus feabhsóidh sé cáilíocht an aeir.
• Cuireann an tionscadal éifeachtúlacht fuinnimh agus ábhair, laghdú dramhaíola agus prionsabail an gheilleagair chiorclaigh chun cinn.
• Dearadh stáisiúin agus córais chun an tionchar ar an gcomhshaol a íoslaghdú, agus bithéagsúlacht á feabhsú ag an am céanna nuair is féidir.
• Tá innealtóireacht déanta ar MetroLink chun tionchair an athraithe aeráide a sheasamh. Trí úsáid a bhaint as ábhair mharthanacha agus as prionsabail deartha oiriúnaitheacha, cinnteofar go mbeidh an córas sábháilte, iontaofa agus éifeachtúil i gcónaí faoi dhálaí aeráide amach anseo.
Agus iad leabaithe ar fud shlabhra soláthair iomlán MetroLink, ceanglaítear ar na comhpháirtithe uile cloí le caighdeáin láidre Chomhshaoil, Shóisialta agus Rialachais (ESG) i gcomhréir le prionsabail inbhuanaitheachta Bhonneagar Iompair Éireann.
Áirítear leis sin tiomantas inléirithe d’fhoinsiú eiticiúil, agus próisis dhiana díchill chuí agus cleachtais bhainistíochta réamhghníomhacha mar bhonn taca leis.
Ní mór do sholáthróirí a chinntiú go soláthrófar na hábhair agus na seirbhísí uile ar bhealach freagrach, trédhearcach, agus urraim á tabhairt do chearta an duine agus do dhálaí saothair cothroma.
Tacaíonn an cur chuige comhoibríoch sin leis an nuálaíocht in ábhair inbhuanaithe, cuireann sé prionsabail an gheilleagair chiorclaigh chun cinn, agus spreagann sé feabhas leanúnach ar fheidhmíocht chomhshaoil.
Dearadh MetroLink agus aird á tabhairt ar an todhchaí, agus mar sin tabharfaidh sé dearadh ceannródaíoch, innealtóireacht inbhuanaithe agus athléimneacht fhadtéarmach le chéile chun freastal ar na glúnta atá le teacht.
Tá innealtóireacht déanta ar MetroLink chun tionchair an athraithe aeráide a sheasamh. Trí úsáid a bhaint as ábhair mharthanacha agus as prionsabail deartha oiriúnaitheacha, cinnteofar go leanfaidh an córas de bheith sábháilte, iontaofa agus éifeachtúil faoi dhálaí aeráide amach anseo.
Beidh ardteicneolaíochtaí digiteacha leabaithe ar fud oibríochtaí, cothabhála agus eispéireas na bpaisinéirí. Le sonraí fíor-ama, córais uathoibrithe agus bonneagar inscálaithe, beifear in ann MetroLink a fhorbairt i gcomhréir le riachtanais soghluaisteachta agus dul chun cinn teicneolaíoch amach anseo.
Tá innealtóireacht déanta ar MetroLink chun tionchair an athraithe aeráide a sheasamh. Trí úsáid a bhaint as ábhair mharthanacha agus as prionsabail deartha oiriúnaitheacha, cinnteofar go leanfaidh an córas de bheith sábháilte, iontaofa agus éifeachtúil faoi dhálaí aeráide amach anseo.
Beidh ardteicneolaíochtaí digiteacha leabaithe ar fud oibríochtaí, cothabhála agus eispéireas na bpaisinéirí. Le sonraí fíor-ama, córais uathoibrithe agus bonneagar inscálaithe, beifear in ann MetroLink a fhorbairt i gcomhréir le riachtanais soghluaisteachta agus dul chun cinn teicneolaíoch amach anseo.
